wazu ka bayan or tarika

wazu ka bayan or wazu ka tarika,islam biography

allah rabbul izzat farmata hai. aye iman walo jab tum namaz padhne ka irada karo to apne chehre or hatho samet kohniyo ko dho lo sir ka masah karo or takhno ko dho lo. our saro ka masah karo, takhno samet paon dho lo. wazu ka bayan

wazu ka bayan or tariqa
wazu ka bayan or tariqa

 

hadise karima  

1) huzure aqdas huzur salle ala tala alaihiwasllam ne irshad farmate hai. qayamat ke din meri ummat is halat me bulai jaygi. ke un ke muh our haath sab wazu se chamakte hoge 

2) musalman banda jab wazu karta hai to kulli karne se muh ke gunah dhul jate hai, nak me pani dal kar saf kiya to nak ke gunah dhul gye, palke,chehra, hath, pair, sir ka masah, kaan, yaha tak ke nakhun ke gunah bhi dhul jate hai. jaha tak wazu ka pani gira har chiz ke gunah dhul jate  
3) jo shakhs wazu kare wo zaruri hai, jo do bar wazu kare use dugna sawab hai, our jo shakhs 3bar wazu kare to ye agle nabiyo ka wazu hai
gusal ka tariqa

khas ahkaam

ayate karima se sabit hota hai ke wazu ke 4 farz hai,wazu ka tarika
1)chehra dhona 2)kohniyo samet dono hatho ko dhona 3)sir ka masah karna 4)takhno our dono pair dhona 
 
1)chehra dhona..peshani se shuru krna yani jahase baal hote hai . thuddi yani niche ke daat jamne ki jagha ki lambai se ek kaan se dusre kaan ki choudai tak pani bahana farz hai. 
nath ka surakh agar band na ho to us me pani bahana farz hai. agar tang ho to pani dalne me nath ko hilay.
 
2)kohniyo samet dono hatho ko dhona..agar kohniyo se nakhun tak koi jagha zarra barabar bhi dhulne se reh jay to wazu na hoga 
her qisam ke jayz, najayz gahne, chhale, anguthi, chudiya agar itne taight ho ke niche pani na bahe to utar kar dhona farz hai our agar hilane se pani bahe jay to hilana zaruri hai
 
3)sir ka masah..sir pr baal na ho to jild ki chouthai, our baal ho to balo ki chouthai ka masah farz hai. 
masah karne ke liye hath bhiga hua hona chahiye dupatte par masah hargiz nahi hota 
 
4)pair dhona..is hukam se ke takhne bhi shamil ho 
 
wazu ki sunnate
1)niyat karna 
2)bismillah se shuru kare
3)miswaak kare
4)badan ke hisse ko is tarha dhona ke dusra wazu kiya hua hissa sukhne na paaye 
5)tartib ke sath shuru kare pahle muh,haath,sir ka masah our bad me pair dhoye
6)sir ke masah ke sath hi dono kano ka masah kare
7)badan ke . wazu wale hisso ko 3 3 bar dhona 
8)haath our pair ki ungliyo ka achhi tarha se khilaal karna (ungliyo ke bich achhi tarha dhona )
9)ulte haah se naak saf karna, 3 martba naak me pani dalna, 3 martba kulli karna
 
wazu ke mustahab

1)bagair zarurat sharir ko kapde ya toliye sa na sukhay
2)wazu hote hi asman ki taraf muh karke kalmae shahadat padhna
3)gardan ka masah karna , wazu ka bacha hua pani pee lena
4)har hisse ko dhote waqt niyate wazu hazi hona, darud sharif padna 
5)itminaan se wazu karna dono hatho se chehra dhona waqt se pahle wazu karna
6)ager hath me anguthi hai to is tarha dhoy ke us ke bich pani jay. 
7)apne haath se pani le wazu ke liye , wazu karne me be zarurat kisi our se madad na le
8)qibla rukh unchi jagha par baith ke wazu kare, wazu ka pani paak jagha pr giray,

wazu jis se maqrooh hota hai
1)wazu karne ke liye esi jaga baithna jo napak ho, ya napak jaghe pr wazu kiya hua paani gire to esi surat me wazu maqrooh hua
2)wazu karne wale bartan me  wazu kiye hue badan ke hisse se paani tapakna 
3)wazu ke pani me thukna . agar nadi ya hod q na ho
4)qible ki taraf thukna ya kulli karna, 
5)wazu karte waqt hasna, be zarurat duniyawi baat karna
6)zyada pani kharch karna, itna kam pani bhi istemal karna k jis se sunnat bhi ada na ho
7)ek hath  se chehra dhona, gale ka masah karna, chehre  par zorse pani marna, hoth ya ankho ko zorse band karlena
8)baay hath se kulli karna ya naak me paani dalna, daay hath se nak saf karna 
9)dhup me garam hua pani se wazu karna. isliye ke ye ek bimari ka sabab ban sakta hai, our kisi sunnat ka chhut jana

gusal ka tariqa

jin bato se wazu tut jata hai
1)aage ya pichhe se peshab, pakhana, koi napaki, ya hawa ka nikalna 
2)khun, peep, ya pila paani beh kr wazu wali jagho pr beh jay jis se us jagha ko dhona farz hua 
3) phodi ya funsi jis se pani beh raha ho wazu tut jata hai
4) ulti hona, thuk me khun ka aana wazu tut jata hai
5)behoshi, nasha jis se qadam ladkhda jay wazu tut jata hai
6)zor se hasna itna ke aas paas wale ko sunai de 
7)wazu karke so jana ya jhapki lena ya baithe baithe dulki marne se wazu tut jata hai

wazu ka tariqa

pahle nayat kare wazu ki, our qibla rukh muh karke baithe esi jagha jo unchi ho, dhyan rahe ke wazu ka pani paak jagho pr gir raha ho na ki napak jagho pr.

wazu karne se  (بسمله العظيم والحمد ليله على دين إلاسلام ) padh le dono hatho ko 3 bar dhoye. 3 martba miswak karle, fir kulli is tarha kare ke muh bhar pani le our har jagha pr pani jay dhyan rahe ki danto ke bich kuch reh na jay. roza na ho to garara kare sidhe hath se pani le .     baaye haath ki choti ungli se naak saaf kare fir 3 martaba naak me paani is tarha dale ke nak ki naram haddi tak pani pohoch jay. 
nahi to wazu mukammal na hoga. ye kaam sidhe hath se kare 
                                              gusal ka tariqamuh dhone ke waqt dono hathose pani le or is tarha pani dale ke muh or uper ka kuchh hissa puri tarha pani bahe  jay

dono gaal or thuddi samet chehre pr our dono kano pr pani bahaye  fir 3 martaba  daya our baya haath is tarha dhoye ke kohniyo tak paani bahe jaaye. pani ki dhaar nakhuno se lekr kohniyo tak barabar behti rahe 

agar pani balo ki jado me bahe gya our uper ka hissa baqi reh gya to wazu mukammal na hoga 

fir pure sir ka masah kare our us ka tariqa  ye hai ke. dono hatho ka angutha or kalme ki ungli chhod kar. ek hath ki baki unglio ka sira dusre haath tino ungliyo se milay . our peshani ke baalo par rakh kar pichhe ki taraf is tarha le jaay ke hatheliya sir se alag rahe waha se hatheliyo se masah karte  hue peshani tak wapas laye…. wazu ka bayan 
                                       gusal ka tariqakalme ki ungli ke sire se kaano ke ander, fir anguthe ke sire  se kaano ke pichhe ka hissa our baqi  bachi ungliyo ki pith se gardan ka masah kar le gale pr haath na lagay ye biddat hai

fir 3 3 martba pahle daya fir baya pair takhno samet aadhi pindli tak dho le. our dhote waqt har bar pani pair ke nakhuno ki taraf se uper ki taraf laye ki sunnat yahi hai. pair ki ungliyo ke bich baye hath ki choti ungli se khilaal kare (saaf kare) 

wazu ke bad miyani par kuchh pani ko chhidak le ke shaitani waswase ko dur karta hai fir bacha hua wazu ka pani kuchh pee le ke is pani me shifa hai. bad me asman ki taraf muh karke our shahadat ki ungli utha kar . kalma-e-shahadat padh le 

islam history in hindi 

2 thoughts on “wazu ka bayan or tarika

  • February 1, 2020 at 12:42 am
    Permalink

    I just could not depart your site prior to suggesting that I really enjoyed the standard information a person provide for your visitors? Is going to be back often in order to check up on new posts

    Reply
  • March 1, 2020 at 3:25 am
    Permalink

    You made some good points there. I did a search on the subject and found most guys will go along with with your site.

    Reply

Leave a Reply

Your email address will not be published. Required fields are marked *