hazrat abu bakr siddique-ka islam or zindagi

hazrat abu bakr siddique-ka islam or zindagi  hazrat abu bakr ki oulad or laqab

hazrat abu bakr siddique
hazrat abu bakr siddique

👉hazrat abu bakr siddique  2 saal 3 mahine 11 din aap ki khilafat rahi

👉huzur salle ala tala alaihiwasallam irshad farmate hai nabiyo ke bad tamam insano me abu bakar siddique afzal hai 

👉mardo me sab se pahle aap iimaan lay or huzur ke sath namaz padhne ka sharf hasil hua

👉aap ne huzur ki moujudgi me 17 namazo ki imamat farmai

👉aap ke khalifa banne par sab se pahle  umer farooq razi allah anhu ne aap ki bait ki

👉aap ka or moula ali ka haalt-e-janabat me bhi masjid me jana jayz thaa

👉aap ki umar 63 saal hui aap ki namaze janaza umar faruq raziallah anhu ne padhai khud huzur salleala tala alaihiwasallam ki ijazat se un ke pahlu me dafan kiya gya

👉aap wo sahabi hue jin ki 4 pushte bhi sahabi hue aap ke waliden imaan laye our sahabi hue, aap khud sahabi huy, aa

👉aap ki oulade mohammad, abdullah, abdurrahman, sayyadna aaysha, sayyadna asmaa or aap ke pote mohammad bin abdurrahman  sab sahabi hue


hazrat abu bakr siddique ne kabhi but parasti nahi ki

hazrat abu bakr ka islam or zindagi aap ki umar umar 4 saal thi tab aap ke waalid aap hazrat abu bakar ko le kar apne but ke paas gaye or kaha ke ye hamare maabud hai.

our tum bhi in ki ibadat karo hazrat abu bakar jo sirf 4 saal ke the farmaya un buto se mai bhuka hu mujhe khana do, mai kuchh kahta hu meri baat ka jawab do, mujhse baat karo jab udhar se koi jawab nahi aya ye thi hazrat abu bakr ka islam or zindagi

to hazrat abu bakar ne ek pathhar utha kar us but par ayesa mara ke wo aap ke jalaal ka taab seh na paya or chakna chur hogya jab aap ke walid ne ye dekha to aap ko mara. 

ghar wapas le aaye or apni biwi se sab keh diya hazrat abu bakar ki waleda ne farmaya ke ise is ke haal pr chhod de jab ye paida hua tha to kisi ne kaha ke mubarak ho aap ke ghar huzur salle ala tala alaihiwasallam ka rafeek hai mujhe nahi pata ke ye kon hai

jab hazrat jibrail alaihisslam hazir hue
jab aap ne sab kuchh luta diya to fakirana libaas me bargahe nabvi me hazir the. 

 jab hazrat jibrail alaihisslam haazir hue or farmaya aye siddique aap maldar hote hue bhi ese kapdo me kyu hai. to huzur salleala tala alaihiwasallam farmate hai ke unhone apna sab maal deen-e-islam pr luta diya

to hazrat jibrail farmate hai ke allah rabbul izzat ne abu bakar ko salam bheja hai. or puchha hai ke kya is haalat me bhi abu bakar mujhse razi hai itna sunte hi hazrat abu bakar zor zor se kehne lage mai apne rab se razi hu, mai apne rab se razi hu kya shaan hai siddique akbar ki moula khud puchh rahe hai kya tum mujhse razi hi


hazrat abu bakr siddique or tijarat
hazrat abu bakar siddique ke waha kapdo ki tjarat hoti thi or isi se un ka ghar chalta tha jab khalifa ban gye . fir bhi roz ki tarha kuchh chadre haath par daal kar bazar ki taraf tashrif le jaa rahe the ke itne me hazrat umar mile.

or puchha ke kaha chal diye  farmaya bazar ja raha hu is par hazrat umar ne farmaya agar ap yu hi tijarat me mashgul rahe to khilafat ke kaam ka kya hoga 

hazrat umar ne farmaya ke aap hazrat abu ubaida ke pas chale jin ko rasul allah ne ameen hone ka laqab diya hai wo ap ke liye baitul maal me se kuch muqarrar kardege dono hazrat tashrif le gaye 

abu ubaida ne ek mahajir tijarat karne wala jitna kamata tha us se kam na zyada raqam hazrat abu bakar siddiqe ko tankhwa ke tour par muqarrar kar di

Hazrat Abu Bakr ka Elaane Islam aur taklif

 Islam mein jo shaks Musalman Hota tha  vah Apne Islam ko jahir Nahi Karta Tha  Huzoor Sallallahu Tala Alaihi Wasallam ki taraf se  bhi rajamandi thi Jab musalmao ki miqdar 39 Tak pahunchi to Hazrat Abu Bakr Siddiq Razi Allah unhone izhaar ki darkhwast ki  ki ke Khullam Khulla Elaan kiya jaye.

Allah Ke Rasool Ne pahle to Inkar farmaya lekin Hazrat Abu Bakr Siddiq Razi Allah anhu Ke Asrar per Qubool Farma liya aur sab Hazrat ko Sath Lekar Masjide Kaba Mein tashreef Le Gaye  Hazrat Abu Bakr Siddiq ne khutba padhna Shuru Kiya yah sabse pahla khutba hai jo Islam Mein padha Gaya aur Huzoor Sallallahu Tala Alaihi Wasallam Ke Chacha Syed Ul shohda Hazrat Hamza ISI Din Islam qubool kiya aur Iske 3 Din bad Hazrat Umar ne

  Khutbe ka Shuru Hona hi Tha ke Charo taraf se  kaafir or mushrekin musalmano per Tut Pade Hazrat Abu Bakar siddik per Hamla Kiya aur unhe Lahu Lohan Kar Diya  vah behosh Ho Gaye Jab unke Kabile Ke Logon Ko Khabar pahunchi to vah unhe vaha se Utha Le Aaye.

 Kisi Ko Bhi yakin Na Tha ki Hazrat abubakar Jinda bach Payenge kabile Ke Logo Ne Masjid Mein yah Elaan kar diya ki agar Hazrat abubakar ki wafaat ho gyi  To Ham unke Badle Mein utba bin rabia ko qatal Karenge utna Ne Hazrat Siddhi ke Akbar ke Marne mein bahut jyada bad bakhti ka izhaar kiya tha. 

Sham Mein Jab Hazrat abubakar Siddique ko Hosh Aaya to sabse pahle yah kaha ki huzur sallallaho Tala alaihiwassalam Ka Hal kaisa hai Kabile Ke Logo Ne farmaya ke unhi ke sath Ke Badle yah naubat hai

 Aur din bhar behosh Rahane Ke bavjud Bhi Jab Aankh Khuli to unhi ka zikr Zubaan Par aaya hai kabile Ke Log pass se uth Kar Chale Gaye aur Jaate Jaate Hazrat abubakar ki walida  Umme Khair Razi Allah anhu se keh Gaye ke inke khane Peene ke liye Kisi chij Ka intejaam Kar de

 voh Kuchh taiyar Karke Le aai par hazrat abu bakar ne khane per  Inkar Kiy 
 Magar Hazrat Abu Bakr Siddiq Razi Allah Tala ki Vahi Ek Sada Thi Ke hujur ka kya hal hai, hujur per kya Gujari Inki waleda Ne farmaya Mujhe to khabar Nahi ke kya hal hai 

Hazrat Abu Bakr ne apni walida se farmaya  K umme Jamila Razi Allah Tala anhu Hazrat Umar Razi Allah anhu Ki bahan ke pass jakar malum kar ke kya hal hai Unki waleda  Hazrat Umar Razi Allah anhu Ki bahan ke ghar pahunchi aur farmaya ke hujur ka kya hal hai vah bhi Dastur ke mutabik apne Islam ko chhupaye Hue Thi

 Or kahne Lagi Main Kya Janu Kaun Mohammed aur Kaun abu baker  aapke Bete Ki Halat sunkar ranj hua Agar Tum Kaho to main chal kar  Unki Halat Dekh lu Umme Khair razi Allah unhone Kabul Kar Liya

 inke Sath Gai aur Hazrat Abu Bakr Razi Allah anhu Ki Halat Dekhkar  Rahe na Payi betahasha Rona Shuru kar diyakor kaha bad kirdaro ne kya hal Kar Diya  Allah Tala in ko apne gazab ki Saja De . 
Hazrat abubakar Siddiq Razi Allah anhu ne FIR poochha ke hujur ka kya hal hai Umme Jamila Razi Allah anhu ne Hazrat Abu Bakr ki walida ki taraf Ishara Karke farmaya Ki Awaz sun rahi hai  aap ne farmaya ke bilkul sahi Salamat hai 
 Hazrat Abu Bakr Ne poochha ki is Waqt kaha hai  unhone kaha ke ek arqam razi allah anhu ke ghar tashreef rakhte Hain  aapane farmaya ke Mujhko Khuda Ki Kasam Hai Ki is Waqt Tak Koi chij Na khaunga Na piyunga jab tak hujur sallallaho Tala alaihiwasllam Ki ziyarat Na Kar Lo

  Inki waleda ko bekarari thi ki vah Kuchh kha Le aur unhone Kasam Kha Li ki Jab Tak ziarat Na Kar Lo Kuchh na khaunga isliye waleda ne iska Intezar Kiya Ke logon ka aana jana Band Ho Jaaye Jab raat ka bahut Sa hissa Gujar Gaya to Hazrat Abu Bakr Razi Allah anhu Ko Lekar hujur sallallaho Tala alaihiwasllam ki khidmat mein pahunche arqam Razi Allah anhu Ke Ghar.

 Hazrat abubakar  hujur se lipat Gaye hujur sallallaho Tala alaihiwasllam bhi lipat kar Rone Lage Aur sab Musalman bhi Rone Lage ki Hazrat Abu Bakr Ki Halat Dekhi Na Jaati Hai
 Iske bad Hazrat Abu Bakr Siddiq Ne huzur se farmaya ki  yah Meri walida hai. aap Sallallahu Tala Alaihi Wasallam Ne inke liye Hidayat Ki Dua farmai aur Inko Islam Ki tablig bhi farmai  hujur sallallaho Tala alaihiwasllam Ne pahle Dua farmaye Iske bad Inko Islam ki Taalim Di or vah bhi ISI Waqt Musalman Ho Gayi I


hazrat abu bakr  par allah ka darr 
huzur salleala tala alaihi wasallam ne aap ko jannati hone ki basharat di or jannatiyi ki ek jamat ka sardar bhi bataya hai jannat ke har darwaze se aap ki pukar or khushkhabri di
or ye bhi farmaya ke meri ummat me sab se pahle abu bakar siddique dakhil hoge. 

ek martaba hazrat rabia or hazrat abu bakr siddiqe me kuch kahi suni hogyi to hazrat abu bakar ne hazrat rabia ko sakht alfazo me kuchh keh diya jo ye bat hazrat rabia ko nagwar guzri. bad me khayal hua to kehne lage rabia aap bhi mujhe sakht alfazo me kuchh keh do take hisab barabr hojay

hazrat rabia ne mana kardiya or uth kar chale gye is pr hazrat abu bakr ne farmaya ke keh do nahi to huzur salle ala tala alihiwasallam se ja kar arz  karuga ke mujhe inkaar kiya hai

chand log jo ye sab majra dekh rahe the kahne lage kamal hai khud hi kahe our khud hi shikayat bhi kare is par hazrat rabia ne kaha ke aap jante bhi ho ye kon hai? or kaha ye hazrat abu bakar siddique hai. agar ye naraz hue to allah ke rasul mujhse naraz hoge or agar allah ke rasul naraz hue to allah bhi naraz hoga

or jakar huzur salle ala tala alaihiwasallam se sab kuchh arz kardiya  is pr huzur ne farmaya badle me ap ko hazrat abu bakar ko sakht alfaz kahne ki zarurat nahi sirf itna keh  do ki allah aap ko maaf farmay  hazrat rabia ne farma  diya to abu bakar ko rahat hui ye tha khoufe ilaahi hazrat abu bakar siddique ka

hazrat abu bakr siddique ka qaye karna (ulti karna)
hazrat abu bakar ka ek ghulam tha jo galla ke tour pr apni amadni ka kuchh hissa hazrat abu bakar ki khidmat me pesh kiya karta ek martaba wo khana laya.
or hazrat ne us khane me se ek luqma nosh farma liya ghulam ne arz kiya hazrat aap puchhege nahi ke aaj kis zariye se mene ya kamaya hai roz to puchhte ho

hazrat abu bakr ne farmaya bhuk ki shiddat itni thi ke dhayan na raha batao kis zariye se kamaya hai
ghulam ne arz kiya mai jab zamanaye jahiliyat me ek qoum par mantar jadu karta tha unhone mujhse wada kar rakha tha . aaj mera udhar se guzar hua to usi qoum me kisi ki shadi ho rahi thi shadi to ye khana mujhe wahi se mila hai

hazrat abu bakr ne farmaya tu mujhe halaak hi kardeta or keh kar fouran apne halak me haath dal kar jo luqma khaya tha use nikalne ke liye qaye karne ki koshish karne lage magar bhuk ki shiddat se qaye na hui

kisi ne arz kiya ke bada ghut pani pi le to qaye karne me asani ho jaygi hazrat abu bakar ne aysa hi kiya or der tak qaye karte rahe jab tak wo luqma nikal na gya 

ek shakhs ne farmaya kya ye taklif sirf ek lukme ke liye thi . hazrat abu bakr siddique ne farma agar is lukme ko nikalne me meri jan bhi chali jati to koi bat na thi kyu ke mane huzur salle ala tala alaihiwasallam ko irshad karte hue suna hai ke jis ke badan me haram maal ka ek tukda bhi ho  dozakh ki aag us ke liye bahetar hai.

5 thoughts on “hazrat abu bakr siddique-ka islam or zindagi

  • Pingback:shohda-e-islam | qabr ki ziyarat | islam history, knoledge in hindi

  • Pingback:nabi-e-pak ki biwiya ke naam-huzoor ki kitni biwi thi |

  • March 16, 2020 at 6:07 am
    Permalink

    It’s going to be finish of mine day, except before end I am reading this impressive article to improve my experience.

    Reply
  • March 17, 2020 at 12:04 pm
    Permalink

    Long time reader, first time commenter — so, thought I’d drop a comment..
    — and at the same time ask for a favor.

    Your wordpress site is very simplistic – hope you don’t mind
    me asking what theme you’re using? (and don’t mind if I steal it?

    :P)

    I just launched my small businesses site –also built in wordpress
    like yours– but the theme slows (!) the site down quite a bit.

    In case you have a minute, you can find it by searching for “royal cbd” on Google (would appreciate any feedback)

    Keep up the good work– and take care of yourself during the coronavirus scare!

    ~Justin

    Reply

Leave a Reply

Your email address will not be published. Required fields are marked *